"Буккросинг-бірге оқимыз: кітаптың айналыста жүруі" акция

"Кітап оқып,көп білуге ұмтыл" атты буккросинг тұсаукесері 2 қазанда 5-11 сынып оқушыларының қатысуымен өтті. Мұнда әр түрлі әдеби кітаптар бар.
Кітап оқу-адамзат ойлап тапқан ең ғажайып құбылыстардың бірі. Рухани жан дүниеге демеу беріп,адамның адами қасиеттерін арттыратын да осы кітап.
Тәрбиеміздің бастауы ертегі, жыр,дастандарымыз да бүгінгі ұрпақтарымызға кітап болып жетті.
Ұлы Абайдың:
Пайда ойлама,ар ойла,
Талап қыл,терең білуге.
Артық білім кітапта,
Ерінбей оқып көруге-деген сөзінен - ақ көп нәрсе аңғаруға болады.Адамзат баласының қол жеткізген ұлы игіліктерінің бірі-білім қазынасы. Ал білім сипаты алуан түрлі.Ол ұрпақтан - ұрпаққа ауызша,жазбаша түрде немесе көркем әдебиет арқылы да жеткен .Осы акцияда мектеп директоры А.Ә.Мухаримова сөз алып, "Буккросинг-бірге оқимыз: кітаптың айналыста жүруі" атты акцияны ұйымдастырған мектеп кітапханашысы З.Тұрғанбаеваға және белсенді атсалысқан оқушыларға кітапханадан кітап алып оқуларына болашақта осы мектептен білім алып жетістіктерге жетулеріне тілектеспін деп алғысын білдірді.

Мектеп директоры А.Ә.Мухаримова.
Орын:Ұ.Монтаева.
Тел:5-01-36.